काठमाडौं । लगानी बोर्डले विभिन्न पाँच परियोजनाका निम्ति एक खर्ब रुपैयाँबराबरको लगानी स्वीकृत गरेको छ । बिहीबार बसेको बोर्डको ५७औँ बैठकबाट विभिन्न पाँच परियोजनाका निम्ति उक्त लगानी स्वीकृत गरिएको हो ।

लगानी बोर्डका सहसचिव प्रद्युम्नप्रसाद उपाध्यायले सुपर तमोर जलविद्युत् आयोजना, अपर मोरङ ‘ए’, कोहलपुरस्थित सौर्य ऊर्जा, हवासिङ नारायणी सिमेन्ट र तल्लो मनाङ–मर्स्याङ्दी जलविद्युत् गरी पाँच परियोजनाका निम्ति करिब एक खर्बबराबरको लगानी स्वीकृत गरिएको बताए ।

उनले अपर मर्स्याङ्दी जलविद्युत् परियोजनाको विस्तृत परियोजना जानकारीमा लिई त्यसलाई वार्ता समिति गठन गर्ने निर्णय पनि गरिएको जानकारी दिए । दाङ सिमेन्ट इन्डस्ट्रिज प्रालिको सेयर खरिद–बिक्री गरी रकम फिर्ता लैजान स्वीकृति दिएको उनले बताए । न्युज एजेन्सी नेपाल