काठमाडौं । पश्चिम बंगालकी मुख्यमन्त्री ममता बनर्जी गम्भीर घाइते भएकी छन् । उनको कोलकाताको सेठ सुखलाल करनानी मेमोरियल अस्पताल (एसएसकेएम)मा उपचार भइरहेको छ । जुन सरकारी अस्पताल हो ।

अस्पतालका एक अधिकारीले ६७ वर्षीया बनर्जी घरमै चिप्लिएर लडेको बताएको हिन्दुस्तान टाइम्सले जनाएको छ । उनी दक्षिण कोलकातस्थित बालिगन्जको कार्यक्रमबाट फर्किएलगत्तै लडेको समाचारमा उल्लेख छ ।

उनको पार्टी तृणमूल कांग्रेसले ट्विटरमार्फत बनर्जीका तस्बिहरू सार्वजनिक गर्दै चोट लागेको जानकारी गराएको छ । जहाँ उनको निधारमा चोट लागेको देखिएको छ ।