काठमाडौं । नेपाल चेम्बर अफ कमर्सका अध्यक्ष राजेन्द्र मल्लले निर्यात प्रवर्द्धनका निम्ति चेम्बर एक्स्पो–२०२४ को आयोजना गरिएको बताएका छन् । यही फागुन २४ देखि २८ गतेसम्म काठमाडौंको भृकुटीमण्डपमा चेम्बर एक्स्पो गरिँदै छ ।

आइतबार काठमाडौंमा आयोजित पत्रकार सम्मेलनमा चेम्बरका अध्यक्ष मल्लले अर्थतन्त्र चलायमान बनाउन एक्स्पोको आयोजना गरिएको बताए । उनले भने, “अर्थतन्त्र चलायमान बनाउन र बजार प्रवर्द्धनका लागि एक्स्पो आयोजना गरिएको हो । यसबाट हामीले कुनै लाभ लिइरहेका छैनौँ ।”

एक्स्पोमा भारत, दक्षिण कोरिया, पाकिस्तानलगायत देशका व्यवसायीको प्रदर्शनी रहनेछ ।

प्रदर्शनीमा प्रवेश निःशुल्क रहने र करिब ५० हजारजनाले अवलोकन गर्ने चेम्बरको अपेक्षा छ ।