काठमाडौं । उपप्रधानमन्त्री एवं रक्षामन्त्री पूर्णबहादुर खड्काले वर्तमान गठबन्धन जनादेशअनुसार पाँच वर्ष चल्ने बताएका छन् । 

कर्णाली अन्तर्राष्ट्रिय चलचित्र महोत्सवको शुक्रबार काठमाडौंमा उद्घाटन गर्दै खड्काले कुनै समस्या नरहेको भन्दै गठबन्धन पाँच वर्ष चल्ने बताएका हुन् । उनले गठबन्धनमा बीचमा नै तोडिने आशंका नगर्न आग्रह समेत गरे । 

निर्वाचनका बेला गठबन्धनले पाँच वर्षका लागि जनतासमक्ष मत मागेको भन्दै यसमा सवै दल गम्भीर रहेको उनको भनाइ छ । खड्काले वर्तमान गठबन्धनले सत्ताभन्दा पनि संविधानको रक्षा र मुलुकको समृद्धिका लागि केन्द्रित रहेको बताए ।