काठमाडौं । दक्षिणी चिनियाँ सहर ग्वाङझाउमा बिहीबार मालवाहक पानीजहाज पुलमा ठोक्किएको छ । जहाज पुलमा ठोक्किएपछि बससहित पाँच गाडी नदीमा खसेको जनाइएको छ ।

दुर्घटनामा दुईजनाको मृत्यु भएको छ । एकजना घाइते छन् । तीनजना बेपत्ता छन् ।

चीनको सरकारी सञ्चारमाध्यम सीसीटीभीले सार्वजनिक गरेका तस्बिरमा पुलको एक हिस्सा भाँचिएको देखिन्छ । जहाज त्यसको मुनि फसेको देखिन्छ । जहाजमा सामान भने छैन ।

घटना स्थानीय समयानुसार बिहीबार बिहान साढे ५ बजे भएको हो । जहाजका क्याप्टेनलाई हिरासतमा लिइएको र त्यसमा सवार यात्रुलाई बाहिर निकालिएको बेइजिङ न्युजले जनाएको छ । बीबीसीबाट ।