काठमाडौं । ताजकिस्तानलाई १–० ले हराउँदै साविक विजेता कतारले एएफसी एसियन कपमा लगातार दोस्रो जित निकालेको छ ।

बुधबार अल खोरस्थित अल बायत रंगशालामा घरेलु टिमलाई जित दिलाउन अक्रम अफिफले गोल गरे । अफिफले खेलको १७औँ मिनेटमा गरेको गोल नै नतिजामा निर्णायक बन्यो ।

८१औँ मिनेटमा अमाडोनी कामोलोभले रातो कार्डको दर्शक गरेपछि ताजकिस्तान १० खेलाडीमा समेटिएको थियो ।

जितसँगै दुई खेलबाट ६ अंक जोडेको कतार समूह ‘ए’को शीर्ष स्थानमा छ । कतारले पहिलो खेलमा लेबनानलाई ३–० ले हराएको थियो । समान खेलबाट एक अंकको ताजकिस्तान तालिकाको तेस्रो स्थानमा छ ।

बुधबार नै भएको अर्को खेलमा चीन र लेबनानले गोलरहित बराबरी खेल्दै अंक बाँडे । समूहमा चीन दोस्रो र लेबनान पुछारमा छ ।