काठमाडौं । ‘कन्टेन्ट क्रियटर’हरूलाई विभिन्न विधामा अवार्ड प्रदान गर्ने भएको छ । 

अपट्रेन्ड्ली मिडिया र कान्तिपुर पब्लिकेसनको आयोजना र पेन्ट ह्वाउस, द लाव्न, हाड्रक क्याफे र नेपाल पर्यटन बोर्डको सहकार्यमा अवार्ड कार्यक्रम गर्न लागेको बताइएको छ । 

विभिन्न सात विधामा अवार्ड प्रदान गरिने कम्पनीका सीईओ मनायक कार्कीले जानकारी दिए । अवार्डमा सहभागिता हुन ‘कन्टेन्ट क्रियटर’ले जनवरी १८ सम्ममा आवेदन दिन सकिन्छ ।  

सहभागीमध्येबाट पहिलो चरणमा प्रत्येक विधामा पाँच–पाँचजनालाई छनोट गर्नेछ । कन्टेन्ट क्रियटरहरूले पठाएको कन्टेन्टमा लाइक, कमेन्ट, भिवर्स, रिचलाई आधार बनाएर छनोट गरिने सीईओ कार्कीले जानकारी दिए । 

आवेदन परेका मध्येबाट पहिलो चरणमा सात विधामा ३५ जना छनोट गरिने छ । जुरी टिमले प्रत्येक विधाको पाँचजनाबाट उत्कृष्ट कन्टेन्ट क्रियटर छनोट गर्नेछ । त्यसपछि उनीहरूलाई अवार्ड प्रदान गरिने सिनियर कन्टेन्ट स्टाटेजिस सुजनाराज गुरुङले बताइन् । 

कन्टेन्ट क्रियटरहरूलाई प्रोत्साहनका लागि अवार्ड कार्यक्रम गरिएको कम्पनीले जनाएको छ । 

प्रविधिको विकाससँगै व्यापार व्यवसायलाई प्रचारप्रसार गर्ने माध्यमका रूपमा नयाँ नयाँ प्लेटफर्म आइरहेको छ । ती प्लेटफर्मलाई माध्यम बनाएर व्यवसायलाई प्रचारप्रसार गर्नको लागि कन्टेन्ट क्रियटरहरूको महत्त्वपूर्ण भूमिका रहेको गुरुङले बताइन् ।

कन्टेन्ट क्रियट पनि गर्नु आफैँमा पेसा बन्दै गएको गुरुङ बताउँछिन् । उनीहरूलाई हौसला र प्रोत्साहन गर्न अवार्ड गर्न लागेको गुरुङले बताइन् ।