काठमाडौं । भिजिट भिसामा विदेश प्रस्थानको विद्यमान अवस्थालाई पुनर्विचार गरी थप सहजीकरण र व्यवस्थित गरिने भएको छ ।

आज गृहमन्त्रालयमा गृहमन्त्रीसहित श्रममन्त्री, गृह/परराष्ट्र/शिक्षा/श्रम सचिव र सम्बद्ध पदाधिकारीको बैठकमा भिजिट भिसालाई थप सहज र व्यवस्थित बनाइने विषयमा छलफल भएको हो ।

बैठकले यसबारे छिट्टै नयाँ निर्णय गरिनुपर्ने र प्रधानमन्त्रीसँगको परामर्शपछि अन्तिम निर्णय गरिने निष्कर्ष निकालेको छ ।