काठमाडौं । नेकपा (एकीकृत समाजवादी)को सातौँ केन्द्रीय कमिटी बैठक तीनदिनसम्म चल्यो । ललितपुरस्थित कान्तिपुर गार्डेनमा चलेको बैठकमा विधान संशोधनका विषयमा हल गर्नुपर्ने ११ सवालको जवाफ खोजिएको थियो । 

बैठकको पहिलो दिन बुधबार केन्द्रीय सदस्यहरूलाई कमिटीको आकार, पदाधिकारीको संख्या, उमेरहद लगायतका विषयमा आफ्ना सुझाव दिन प्रश्नावली वितरण गरिएको थियो । प्रश्नावलीमा केन्द्रीय सदस्यहरूले आफ्ना धारणा राखे । 

उपमहासचिव तथा प्रचार विभाग प्रमुख जगन्नाथ खतिवडाले विधानबारे आएका सुझावलाई केन्द्रीय परिषद् बैठकमा प्रस्तुत गरिने जानकारी दिए । 

“आम केन्द्रीय सदस्यहरूले आफ्ना धारणा राखेर विधानमा सुझाव दिनुभएको छ,” उनले भने, “यसलाई व्यवस्थित मस्यौदाको रूपमा आउँदो माघ १४ र १५ गते सम्पन्न हुन लागेको केन्द्रीय परिषद्को बैठकमा प्रस्तुत गर्नेछौँ ।” 

साथै, बैठकले २० बुँदे समसामयिक प्रस्ताव पारित सरकारकारको ध्यानकर्षण गराएको छ । बैठकले संघीय लोकतान्त्रिक गणतन्त्रमाथि भइरहेको प्रहारको प्रतिवाद गर्न अग्रगामी शक्तिको ध्यानाकर्षण गराएको छ । 

“आज विभिन्न कोणवाट हमला भइरहेको अवस्थाप्रति सचेत रहँदै यो बैठक सबै खाले पुनरुत्थानवादी विचार र क्रियाकलापको राजनीतिक तथा वैचारिक रूपमा प्रतिवाद गर्नु आवश्यक रहेको निष्कर्ष निकाल्दै यसका लागि सबै अग्रगमनकारी राजनीतिक शक्तिहरूबीच घनीभूत सम्वाद र सहकार्यको आवश्यकता रहेको ठहर गर्दछ,” प्रस्तावमा भनिएको छ । 

यस्ता छन् पारित २० प्रस्ताव