काठमाडौं । यूईएफए च्याम्पियन्स लिगको क्वार्टरफाइनल प्रवेशका लागि स्पेनिस क्लब बार्सिलोनाले इटालियन क्लब नापोलीविरुद्ध खेल्ने भएको छ । सोमबार भएको ‘ड्र’अनुसार बार्सिलोनाले अन्तिम–१६ को खेलमा नापोलीलाई प्रतिद्वन्द्वी को रूपमा पाएको हो ।

यस्तै, एट्लेटिको मड्रिडले पनि क्वार्टरफाइनल प्रवेशका लागि बलियो इटालियन प्रतिद्वन्द्वी इन्टर मिलानको सामना गर्ने भएको छ । सोमबार भएको ‘ड्र’ बाट साविक विजेता म्यानचेस्टर सिटीले तुलनात्मक रूपमा सहज प्रतिद्वन्द्वी पाएको छ । सिटीले प्रि–क्वार्टरफाइनलमा कोपनहेगेनविरुद्ध खेल्नेछ ।

स्पेनिस क्लब रियाल मड्रिडले आरबी लाइपजिग र पेरिस सेन्ट जर्मन (पीएसजी) ले रियाल सोडिडाडविरुद्ध खेल्नेछ । प्रि–क्वार्टरफाइनलको पहिलो लेग फेब्रुअरी १३ देखि सुरु हुनेछ । यस्तै, सेकेन्ड लेग मार्च ५ देखि हुनेछन् ।

अन्तिम–१६ ‘ड्र’

कोपेनहेगेनविरुद्ध म्यानचेस्टर सिटी,

पोर्टोविरुद्ध आर्सनल,

आरबी लाइपजिगविरुद्ध रियाल मड्रिड,

पीएसजीविरुद्ध रियाल सोडिडाड पीएसभीविरुद्ध बोरुसिया डर्टमन्ड,

इन्टर मिलानविरुद्ध एट्लेटिको मड्रिड, नापोलीविरुद्ध बार्सिलोना,

लाजियोविरुद्ध बायर्न म्युनिख