काठमाडौं । नेपाल वायुसेवा निगमले जहाज खरिद गर्न आह्वान गरेको टेन्डरमा तीन कम्पनीले आवेदन दिएका छन् । 

निगमले तीनवटा जहाज खरिद गर्न आह्वान गरेको टेन्डरमा तीनवटा कम्पनीको आवेदन परेको निगमका प्रवक्ता रमेश पौडेलले जानकारी दिए । 

प्रवक्ता पौडेलका अनुसार लेट ४१०, डोर्नियर र ट्विनअटर गरी तीन वटा जहाज उत्पादक कम्पनीको आवेदन दिएका छन् । निगमले तीन स्लट रुट जहाज खरिदको लागि गत कात्तिक ५ गते ४५ दिने सार्वजनिक सूचना जारी गर्दै टेन्डर आह्वान गरेको थियो ।