काठमाडौं । विनाशकारी वातावरणीय अवस्था सिर्जना गरिरहेको जलवायु परिवर्तनको प्रमुख कारण कार्बनडाई अक्साइड उत्सर्जन रहेको छ । यसै कार्बन उत्सर्जनका लागि विश्वका एक प्रतिशत धनाढ्य सबैभन्दा बढी जिम्मेवार रहेको पाइएको छ ।

स्विडेनको स्टकहोमस्थित वातावरण संस्थान अक्सफामसँगको सहकार्यमा दी गार्जियनले यस्तो अनुसन्धान सार्वजनिक गरेको छ ।

यो खोजले सन् २०१९ मा सात करोड ७० लाख धनाढ्यहरु १६ प्रतिशत कार्बन उत्सर्जनका लागि जिम्मेवार रहेको देखाएको हो ।

एक लाख ४० हजार अमेरिकी डलरभन्दा बढी कर तिरेका यी करोडपति एवं अर्बपतिका कारण भएको कार्बन उत्सर्जन १० लाखभन्दा बढीको ज्यान लिन पर्याप्त भएको जनाइएको छ ।

अक्सफामको प्रतिवेदनले एक प्रतिशत धनाढ्यका गतिविधिले सन् २०१९ मा ५.९ अर्ब कार्बन उत्सर्जन गरेको उल्लेख गरेको छ ।

आउँदा दशकमा कार्बन उत्सर्जनको यो मात्राले गर्ने तापमान वृद्धिका कारण १३ लाखभन्दा बढी मानिसको ज्यान जाने आकलन गरिएको छ ।

संयुक्त राष्ट्रसंघले मौसमी संकटका कारण हुने मृत्युको ९१ प्रतिशत विकासशील देशमा हुने गरेको जनाएको छ ।