अर्थ व्यवसाय
काठमाडौं । सिटी एक्सप्रेस ग्रुपले जाजरकोट र रुकुम पश्चिममा गएको भूकम्पबाट प्रभावितलाई २५ लाख सहयोग गर्ने घोषणा गरेको छ ।
ग्रुपले सामाजिक उत्तरदायित्वअन्तर्गत प्रधानमन्त्री दैवी प्रकोप उद्धार कोषमा उक्त रकम जम्मा गर्ने निर्णय गरेको हो ।
भूकम्प गएको क्षेत्रका आमजनताको तत्काल खोज, उद्धार, घाइतेहरूको आवश्यक औषधि उपचार र राहतसहित सुरक्षित पुनर्स्थापनामा सहयोग पुगोस् भन्ने हेतुले संस्थागत सहयोग गरेको बताइएको छ ।
सिटी एक्सप्रेस मनी ट्रान्सफरले रेमिटान्स क्षेत्रमा विगत १७ वर्षदेखि संसारभरबाट विप्रेषण सेवा प्रदान गर्दै आइरहेको छ ।
प्रकाशित मिति: सोमबार, कात्तिक २०, २०८० १८:३१
प्रतिक्रिया दिनुहोस्