काठमाडौं । इजिप्टियन रेड क्रिसेन्ट सोसाइटीका कार्यकारी निर्देशक रामी अल–नाजरले शनिबार इजिप्टियन रेड क्रिसेन्टसँग सम्बन्धित ८४ ट्रक खाद्यान्न, मानवीय र चिकित्सा सहायता गाजा स्ट्रिपमा पुगेको घोषणा गरेका छन् ।

उनले मानवीय सहायता पठाउने सबैलाई धन्यवाद ज्ञापन गरे । उनले प्यालेस्टाइन रेड क्रिसेन्ट सोसाइटीको छेउमा रहेको जग्गामा के भएको भन्नेबारे पत्ता लगाउन नसक्दा अझै त्यहाँको आवश्यकता पहिचान गर्न कठिन भइरहेको बताए ।

मध्यपूर्व र उत्तर अफ्रिकाका निम्ति रेडक्रस र रेड क्रिसेन्ट सोसाइटीज्को अन्तर्राष्ट्रिय महासंघका क्षेत्रीय निर्देशक होसम एलशारकावीले गाजापट्टीलाई आवश्यक सहायता पठाएर सहयोग गर्न विश्वलाई आह्वान गरे । साथै, इजिप्टियनवासीलाई सहायता पठाएकामा उनले धन्यवाद दिए ।

उनले मानवीय अभियानको निरन्तरताका निम्ति युद्धविराम सम्झौतामा पुग्न आह्वान गरे । सिन्ह्वा/न्युज एजेन्सी नेपाल