काठमाडौं । रुस र युक्रेनबीच जारी युद्धका क्रममा नेपालबाट समेत लड्नका निम्ति युवा गएको भन्ने कुरा पुष्टि हुने आधार फेलापरेको छ । रुसी पक्षबाट लडिरहेका नेपालका एक युवकलाई युक्रेनी सेनाले अवडिभका सहर क्षेत्रबाट कैदी बनाएको छ ।
युक्रेनको गृह मन्त्रालय (आन्तरिक मामिला मन्त्रालय)का सल्लाहकार एवं पूर्वउपगृहमन्त्री एन्टोन गेराश्चेन्कोले ‘रुसी पक्षबाट लडिरहेका नेपालका विवेक खत्रीलाई युक्रेनी सशस्त्र बलले अवडिभकानजिकै कैद गरेको’ बताएका छन् ।
उनले सामाजिक सञ्जाल एक्समा विवेकसँग कुरा गरेको करिब डेढ मिनेटको भिडियो पोस्ट गरेका छन् । यही अक्टोबर १९ मै एक्समा उनले यो भिडियो राखेका थिए ।
युक्रेनको गृहमन्त्रीका सल्लाहकार गेराश्चेन्कोले विवेकले रुसी रक्षा मन्त्रालयसँग सम्झौतामा हस्ताक्षर गरेको र ‘एयरबोर्न फोर्स ब्रिगेड’मा काम गरेको बताएका छन् ।
‘पैसाका लागि मात्र युक्रेनीलाई मार्न युद्धमा गएको खत्रीले खुलेर स्वीकार गरे’को उनले लेखेका छन् ।
भिडियोमा विवेकले आफ्नो घर बर्दिया भएको बताएका छन् । “मेरो परिवार समस्यामा छ । आमाले काम गर्न सक्नु हुन्न । हामीलाई पैसा चाहिएको थियो, त्यसैले युद्ध लड्न गएँ,” भिडियोमा विवेकले भनेको कुरा क्याप्सनसहित लेखिएको छ ।
उनले आफ्नो साथीले रुसी सेनामा भर्ती हुन सुझाएको र घरको समस्याका कारण ‘आमासामु एक सफल व्यक्ति भएर जान चाहेको’ बताएका छन् ।
Bibek Khatri from Nepal, fighting on the Russian side, was taken prisoner by Ukrainian Armed Forces near Avdiivka.
— Anton Gerashchenko (@Gerashchenko_en) October 19, 2023
He signed a contract with the Russian Ministry of Defense and served in one of the Russian Airborne Forces brigades.
Khatri openly admitted that he went to war to… pic.twitter.com/GlMmV5Hm94
नेपाली युवा यसअघि रुसी सेनामा गएको जानकारी आफूसँग नरहेको परराष्ट्र मन्त्रालयको भनाइ छ । युक्रेनी गृह मन्त्रालयका सल्लाहकारले सार्वजनिक गरेको यो भिडियोबारे बिहीबार (आज) परराष्ट्र मन्त्रालयसँग बुझ्न खोज्दा सम्पर्क हुन सकेन ।
सन् २०२२ फेब्रुअरी २४ मा रुसले युक्रेनमाथि आक्रमण गरेयता दुई देशबीच युद्ध जारी छ । रुसले युक्रेनका चार क्षेत्र आफ्नो नियन्त्रणमा लिएको छ ।
-1716278128.jpg)
-1723532556.jpg)
-(1)-1723345266.jpg)
