काम्पोङ चाम । संयुक्त राष्ट्रसंघको अनुरोधमा युद्धग्रस्त अफ्रिकी राष्ट्र मालीबाट कम्बोडियाले झन्डै १०० शान्ति सैनिक फिर्ता गरेको छ । कम्बोडियाका प्रधानमन्त्री हुन मानेटले बुधबार सोबारे जनाकारी गराएका छन् ।

“केही दिनअघि मैले मालीबाट हाम्रो शान्ति सैनिक (निलो हेलमेट फिर्ता गर्न स्वीकृति दिएको थिएँ । किनभने, त्यहाँ बढ्दो विषम परिस्थितिका कारण संयुक्त राष्ट्रसंघले त्यहाँका केही क्षेत्रहरूबाट सैनिक हटाउन थालेको थियो,” उनले भने, “उनीहरू अब त्यहाँ बस्न सक्ने अवस्था रहेन । किनभने, संयुक्त राष्ट्रसंघका निलो हेलमेट सेनालाई पनि आक्रमणको तारो बनाउन थालियो ।”

सैन्य विद्रोहपछि मालीको संक्रमणकालीन सरकारले १० वर्ष पुरानो संयुक्त राष्ट्रसंघ अपरेसन फिर्ता लिन अनुरोध गरेको थियो ।

संयुक्त राष्ट्रसंघ सुरक्षा परिषद्ले यो वर्षको डिसेम्बर ३१ सम्ममा शान्ति मिसन फिर्ता लिने प्रस्ताव गरेको हो । रासस/सिन्ह्वा