काठमाडौं । ॐ हस्पिटल एण्ड रिसर्च सेन्टरमा माछापुच्छ्रे बैंक लिमिटेडका ग्राहक तथा कर्मचारीलाई अस्पतालका सेवामा विशेष छुट प्रदान गर्ने सम्झौता भएको छ । 

हस्पिटलमा आयोजित एक समारोहमा अस्पताल सञ्चालक समितिका अध्यक्ष डा. आनन्दप्रसाद श्रेष्ठको उपस्थितिमा हस्पिटलका प्रमुख कार्यकारी अधिकृत यमबहादुर महत र बैंकका निमित्त प्रमुख कार्यकारी अधिकृत विश्वम्भर न्यौपानेले सम्झौता पत्रमा हस्ताक्षर गरेका हुन् ।

सम्झौताअनुसार बैंकका सम्पूर्ण ग्राहकहरू, कार्ड प्रयोगकर्ता, कर्मचारी तथा योनो नेपाल एसबीआई मोबाइल एप प्रयोगकर्ताले हस्पिटलमा उपचार सेवा लिँदा छुट प्राप्त गर्ने बताइएको छ । अन्तरंग सेवा रेडियोलोजी, प्याथोलोजी, फार्मेसी र फिजियोथेरापी लगायतका सेवाहरूमा विशेष छुट प्राप्त गर्न सक्नेछन् ।

हस्पिटलले आकस्मिक उपचारदेखि सघन उपचार तथा पेन मेडिसिनलगायत अन्य ३७ वटाभन्दा बढी विषयहरूमा विशेषज्ञता सेवा उपलब्ध गराउँदै आइरहेको छ ।

माछापुच्छ्रे बैंकले १६५ शाखा कार्यालय, १२ एक्सटेन्सन काउण्टर, १३० शाखारहित बैंकिङ सेवा, सात प्रादेशिक कार्यालय, २०३ एटीएममार्फत सेवा दिँदै आएको छ ।