काठमाडौं । नेकपा (एमाले)को जारी वाग्मती प्रदेशको अधिवेशनमा प्रस्तुत गरिएको राजनीतिक तथा सांगठनिक प्रतिवेदन सुझावसहित पारित भएको छ । 

समूह विभाजन गरेर गरिएको छलफलपछि प्रतिवदेनबारे समूहका नेताहरूले धारणा राखेका थिए । प्रतिवेदनबारे आनन्दकुमार श्रेष्ठ, बद्री मैनाली, हस्त पण्डित, कमल पाठक, एकलाल श्रेष्ठ, बेलीमाया घले र रमेश पौडेलले धारणा राखे ।

भोलि निर्वाचनको कार्यक्रम सुरु हुने छ । भोलि बिहान ८ बजे मतदाता नामावली प्रकाशन गरिने भएको छ । अन्तिम नामावली ९ बजे प्रकाशित हुने छ । बिहान ९ बजेदेनि ११ बजेसम्म उमेदवारी दर्ताको काम हुने छ । 

भोलि अपराह्न ४ बजे उमेवारको नामावली प्रकाशन हुने छ । ५ बजे अन्तिम नामावली प्रकाशन गर्ने तय भएको छ ।

बिहीबार बिहान ११ बजे मतदान हुने तय भएको स्थायी कमिटी सदस्य तथा निर्वाचन मण्डलका सदस्य शेरबहादुर तामाङले जानकारी दिए ।