अर्थ व्यवसाय
तारा एयरको ‘पोखरा–जोमसोम’ उडान फेरि नियमित, दैनिक पाँच उडान गर्दै
काठमाडौं । तारा एयरले पोखरा–जोमसोमको उडान सोमबारदेखि फेरि नियमित गर्ने भएको छ । प्रतिकूल मौसमका कारण बन्द भएको उडान फेरि नियमित गर्न लागिएको हो ।
मौसम अनुकूल भएको र पर्यटक सिजन पनि सुरु भएसँगै उडान नियमित गर्न लागिएको कम्पनीले जनाएको छ ।
तारा एयरले जोमसोमको नियमित उडानका लागि एउटा विमान पोखरामै रात्रिकालीन पार्किङ गर्ने छ । हाल दैनिक पाँचवटा उडान गर्ने गरी उडान तालिका राखिएको प्रवक्ता सदुर्शन बर्तौलाले जानकारी दिए ।
उनकाअनुसार मागअनुसार उडान थप गरिने छ । तारा एयरले पोखरा–जोमसोम उडान पोखराको पुरानो विमानस्थलबाट गर्ने छ ।
मुस्ताङमा अवस्थित जोमसोम विमानस्थल समुन्द्री सतहबाट दुईहजार ७३६ मिटर उचाइँमा रहेको छ ।
प्रकाशित मिति: आइतबार, भदौ २४, २०८० १६:३९
प्रतिक्रिया दिनुहोस्
सम्बन्धित समाचार
सिफारिस
प्रवास
कार्टुन
भिडियो
-1747106471.jpg)
विचार
अन्तर्वार्ता
-1745727458.jpg)
ब्लग
-1718633678.jpg)
