site stats
बाह्रखरी :: Baahrakhari
राजनीति
Global Ime bankGlobal Ime bank
नेतृत्व टुंग्याउने जिम्मा पद्मा अर्याललाई दिएर फर्किए ओली
फाइल तस्बिर ।

काठमाडौं । नेकपा (एमाले)का अध्यक्ष केपी शर्मा ओली काठमाडौं फर्किएका छन् । लुम्बिनी प्रदेशको नेतृत्व छान्ने जिम्मा पार्टी सचिव तथा लुम्बिनी इन्चार्ज पद्मा अर्याललाई दिएर ओली काठमाडौं फर्किएका हुन् ।

एमाले लुम्बिनी कमिटी सचिव लक्ष्मण आचार्यले नेतृत्व छान्न सहमतिको प्रयास भइरहेको बताए ।

“पार्टी अध्यक्ष काठमाडौं फर्कनुभयो । इन्चार्जका हिसाबले जिम्मा पद्मा अर्यालले पाउने कुरा त भइहाल्यो,” उनले भने, “अध्यक्षले उहाँलाई नै नेतृत्व टुंग्याउने जिम्मा दिनुभएको छ । सहमतिको प्रयास भइरहेको छ ।”

उनले सहमति नभए चुनाव हुने बताए ।

“सहमतिको प्रयास भइरहेको छ । सहमति नभए चुनावमा जान्छ,” आचार्यले भने, “अहिले प्रतिवेदनमाथि जवाफ दिने काम भइरहेको छ ।”

अध्यक्ष ओलीले बिहान बन्द सत्रमा सकेसम्म सर्वसहमतिमा नै नेतृत्व छान्न निर्देशन दिएका छन् । शनिबार भएको उद्घाटन सत्रमा पनि ओलीले नेताहरूलाई सहमतिमा नै नेतृत्व छान्न निर्देशन दिएका थिए ।

लुम्बिनी एमालेको अध्यक्ष बन्न राधाकृष्ण कँडेल र हरि रिजाल मुख्य दावेदार छन् । कँडेल उपाध्यक्ष विष्णु पौडेल र रिजाल महासचिव शंकर पोखरेल निकट हुन् ।

प्रकाशित मिति: आइतबार, भदौ १७, २०८०  ११:५४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro