काठमाडौं । इसेवा मनि ट्रान्स्फर र साउदी अरेबियाको इन्जाज पेमेन्ट सर्भिसेज कम्पनीबीच रेमिट्यान्स भुक्तानीका लागि सम्झौता भएको छ ।

सम्झौतासँगै अब, साउदी अरेबियामा बसोबास तथा काम गर्दै आएका नेपालीले इन्जाज पेमेन्टको १५० शाखा, पीओएस, किअस्कस्, वा मोबाइल एप र वेबसाइटबाट नेपालमा इसेवा मनि ट्रान्स्फरमार्फत रेमिट्यान्स पठाउन सक्नेछन् ।

इन्जाज पेमेन्टबाट पठाएको रेमिट्यान्स इसेवा मनि ट्रान्स्फरका १३ हजार ८०० भन्दा बढी भुक्तानी केन्द्र, बैंक तथा वित्तीय संस्थाहरू तथा इसेवाका एक लाखभन्दा बढी क्यास पोइन्ट र ७५ लाखभन्दा बढी प्रयोगकर्ताले वालेटबाट सहजै पाउने इसेवाले बताएको छ ।

रेमिट्यान्स भुक्तानी सम्झौतापत्रमा एफवान सफ्ट ग्रुपका अध्यक्ष विश्वास ढकाल र इन्जाज पेमेन्ट सर्भिसेज कम्पनीका प्रमुख कार्यकारी अधिकृत खालिद अल जैनले हस्ताक्षर गरेका थिए ।