काठमाडौं । प्रधानमन्त्री पुष्पकमल दाहाल 'प्रचण्ड'ले शीर्ष नेताको बैठक डाकेका छन् ।

संसद्‌मा जारी अवरोधका विषयमा छलफल गर्न प्रधानमन्त्रीले अहिले साढे १२ मा शीर्ष नेताको बैठक डाकेको बताइएको छ । गत साउन १० यता प्रमुख प्रतिपक्षी दल नेकपा (एमाले)ले संसद् अवरोध गर्दै आएको छ ।

ब्रेक–सु मा राखेर भित्र्याइएको ६० किलो सुन प्रकरणमा एमालेले उच्चस्तरीय छानबिन समितिमार्फत अनुसन्धान हुनुपर्ने अडान राख्दै आएको छ ।

त्यसमा सरकारले असहमति राख्दै नेपाल प्रहरीको अपराध अनुसन्धान महाशाखा सीआईबीमार्फत नै अनुसन्धान अघि बढाउने भन्दै राज्यका निकायमाथि अविश्वास नगर्न गृहन्त्रीले आग्रह गरेका छन् ।

सुरुमा राजस्व अनुसन्धानले हेरेको सुन काण्डको अनुसन्धानपछि सीआईबीलाई दिइएको थियो । तर, एमालेले भने गृहमन्त्रीमाथि नै अनुसन्धान आवश्यक भएकाले सीआईबीले गर्न नसक्ने बताउँदै आएको छ ।