काठमाडौं । नेकपा (एमाले)का उद्योग, वाणिज्य तथा आपूर्ति विभागका प्रमुख तथा व्यवसायी मोतिलाल दुगडले सरकारले उद्योगी व्यवसायीलाई जेल हाल्ने काम गरेको बताएका छन् ।

विभागले आयोजना गरेको 'वर्तमान आर्थिक अवस्था : समस्या र समाधान' शीर्षकको छलफल कार्यक्रममा उनले सरकारले व्यवसायीलाई दुःख दिन थालेको बताए । 

"उद्योगीलाई एमालेको सरकारले ज्वाइँजस्तो व्यवहार गर्थ्यो  । यो सरकारले उद्योगी व्यवसायीलाई जेल हालिरहेको छ," उनले भने, "फाइनान्सियल अपराध गर्नेलाई जेलमा हाल्ने काम गलत हो । त्यसो हो भने व्यवसायीहरूलाई राख्ने जेल अझै बनाउनुपर्छ ।"

अहिलेको सरकार 'समृद्ध बालुवाटार'मा लागेको पनि दुगडको आरोप छ ।