काठमाडौं । नेपाली कांग्रेसको संसदीय दलको बैठकमा भ्रष्टाचारका घटना छानबिनका लागि उच्चस्तरीय संयन्त्र बनाउनुपर्ने माग उठेको छ । सांसद प्रदीप पौडेलले आफूले बैठकमा अहिलेसम्म भएका सबै भ्रष्टाचारको छानबिनका लागि उच्चस्तरीय संयन्त्रको प्रस्ताव राखेको बताए ।

कांग्रेसको जारी संसदीय दलको बैठकले सुन तस्करी प्रकरणसहित सबै प्रकारका भ्रष्टाचारका घटना छानबिनका लागि उच्चस्तरीय संयन्त्र गठनको निर्णय नै गर्नुपर्ने पौडेलेको माग छ । उनले दलको बैठकबाट भएको निर्णय सरकारले नमाने समर्थन नै फिर्ता लिनुपर्ने प्रस्ताव गरेका छन् । 

"कांग्रेसको संसदीय दलको बैठकले आजसम्म भएका चर्चित सबै भ्रष्टाचारका घटनाहरूको छानबिनका उच्चस्तरीय संयन्त्रण बनाउने निर्णय गर्नुपर्छ । यदि त्यो निर्णय हामीले गरिसकेपछि सरकारले मानेन, प्रधानमन्त्रीले मान्नुभएन भने सरकारलाई दिएको समर्थन फिर्ता लिनुपर्छ," पौडेलले भने ।

कांग्रेस संसदीय दलको बैठक भोलि बिहान ११ बजे फेरि बस्ने छ ।