site stats
बाह्रखरी :: Baahrakhari
राजनीति
Global Ime bankGlobal Ime bank
ललितानिवास प्रकरण : माधव नेपाल भन्छन्– दोषीउपर छानबिन र कारबाही हुनुपर्छ

काठमाडौं । पूर्वप्रधानमन्त्री तथा नेपाल कम्युनिष्ट पार्टी  (एकीकृत समाजवादी)का अध्यक्ष माधवकुमार नेपालले ललितानिवास प्रकरणमा निष्पक्ष छानबिन हुनुपर्ने बताएका छन् । 

सबै प्रकारका भ्रष्टाचार एवं अनियमितताको निष्पक्ष छानबिन गरी दोषीउपर कडा कारबाही हुनुपर्नेमा उनको जोड छ । 

“सर्वोच्च अदालतको फैसलाका सन्दर्भमा अध्यक्ष माधवकुमार नेपाल जानकार हुनुहुन्छ । सबै प्रकारका भ्रष्टाचार एवं अनियमितताको निष्पक्ष छानबिन गरी दोषीउपर कडा कारबाही हुनुपर्छ र मुलुकमा शुसासन कायम गर्नुपर्छ भन्ने कुरामा उहाँको दृढ मान्यता रहेको छ,” उनको सचिवालयले भनेको छ । 

सर्वोच्च अदालतले हिजो पूर्वप्रधानमन्त्रीसमेत रहेका माधवकुमार नेपाल र डा. बाबुराम भट्टराईमाथि पनि ललितानिवास प्रकरणमा छानबिन गर्न आदेश दिएको थियो । 

यसैबीच, अध्यक्ष नेपाल जेनेभा प्रस्थान गरेका छन् । प्रवासी नेपाली एकता मञ्च युरोपद्वारा स्वीट्जरल्यान्डलगायत विभिन्न देशमा आयोजना हुने पूर्वनिर्धारित कार्यक्रमहरूमा सहभागी हुन उनी आज बिहान टर्किस एअरको विमानबाट त्यसतर्फ प्रस्थान गरेका हुन् । 

अध्यक्ष नेपाल भदौ १ गते स्वदेश फर्किने कार्यक्रम रहेको छ ।
 

प्रकाशित मिति: सोमबार, साउन २२, २०८०  ०८:११
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro