काठमाडौं । नेपाली कांग्रेसका सभापति शेरबहादुर देउवाले सामाजिक सञ्जालबारे पार्टी प्रवक्ता प्रकाशशरण महतको प्रस्ताव पास भएको घोषणा गरेका छन् ।

आज केन्द्रीय समिति बैठकमा महामन्त्री विश्वप्रकाश शर्माले प्रस्ताव सुनाएपछि महतले आधिकारिकबाहेक कांग्रेसका नाममा सामाजिक सञ्जालमा खोलिएका पेजहरूबाट गाली गर्ने काम बन्द गर्नुपर्ने र नगरे कारबाही हुने प्रस्ताव राखिएको तर छुटेको बताएका थिए ।

देउवाले उनले राखेको विषय पास भएको घोषणा गरेका हुन् । "सामाजिक सञ्जालको विषयमा पार्टी प्रवक्ताले बोलेको विषय पास हुन्छ," देउवाले भने ।