काठमाडौं । ललितानिवास प्रकरणमा पक्राउ परेका सञ्चार तथा सूचना प्रविधि मन्त्रालयका सचिव कृष्णबहादुर राउतलाई पक्राउ गर्नुको कारण माग गरेको छ ।

सर्वोच्च अदालतका न्यायाधीश तीलप्रसाद श्रेष्ठको इजलासले पक्राउ गर्नुको कारणसहित २४ घण्टाभित्र जवाफ पेस गर्न आदेश जारी गरेको हो ।

“यसमा के कसो भएको हो ? निवेदनको माग बमोजिम बन्दीप्रत्यक्षीकरण आदेश किन जारी हुनुनपर्ने हो ? निवेदकको माग बमोजिमको आदेश जारी हुनु नपर्ने कुनै करण भए सबुदप्रमाणसहित म्याद सूचना पाएको मितिले बाटाका म्याद बाहेक २४ घण्टाभित्र बन्दीसहित महान्यायाधिवक्ता कार्यालयमार्फत लिखित जवाफ पेस गर्नु भनि यो आदेश र निवेदनको प्रतिवेदनको प्रतिलिपि साथै राखी विपक्षका नाममा म्याद सूचना जारी गरी लिखित जवाफ परेपछि पेसीको सूचना महान्यायाधिवक्ता कार्यालयलाई दिइ सुनुवाइका लागि नियमनुसार पेस गर्नु,” श्रेष्ठको इजलासको आदेशमा भनिएको छ ।