काठमाडौं । हिमालयन बैंक लिमिटेडले बैंकको विशेष तलबी खाता योजनामा प्रदान गर्दै आएको दुर्घटना मृत्यृ बिमा सुविधाअन्तर्गत १० लाख रुपैयाँको दुर्घटना मृत्यृ बिमा दाबी रकम भुक्तानी गरेको छ ।

बैंकका खातावाला स्व. ईश्वर गुराँगाईको दुर्घटनामा परी असामयिक निधन भएकोले उनकी पत्नी विमला गुराँगाईलाई सो रकमको चेक गत १९ गते हस्तान्तरण गरिएको हो ।

बैंकको बनेपा शाखाका शाखा प्रबन्धक सूर्योदय प्रजापतीले शाखाका अन्य कर्मचारीहरूबीच उक्त चेक हस्तान्तरण गरेकी हुन् । बैंकले उक्त खाता योजनामा हिमालयन एभरेष्ट इन्स्योरेन्स लिमिटेडसँग खातावालाहरूको दुर्घटना मृत्यृ बिमा खरिद गरेको हो ।

मृतकको परिवारमा केही सहयोग हुन्छ भन्नेमा बैंक आशावादी रहेको पनि ताइएको छ । हाल हिमालयन बैंकले विशेष तलबी खाता र नारी वचत खाता योजनामा दश लाख रुपैयाँ सम्मको दुर्घटना मृत्यृ बिमा सुविधा प्रदान गर्दै आएको छ भने अन्य बचत योजनाहरूमा पाँच लाख रुपैयाँ सम्मको दुर्घटना मृत्यृ बिमा सुविधा प्रदान गर्दै आएको छ ।

हिमालयन बैंकले १८९ शाखा कार्यालय, २० वटा विस्तारित काउन्टर र २६३ भन्दा बढी एटीएममार्फत सेवा दिँदै आएको छ ।