काठमाडौं । सामसङ कम्पनीले काठमाडौंको मध्य बानेश्वरमा नयाँ आधिकारिक सर्भिस सेन्टर सञ्चालनमा ल्याएको छ ।

सर्भिस सेन्टरको उद्घाटन समारोहमा सामसङ नेपालका प्रबन्ध निर्देशक सुङ जुन पार्क, निर्देशक प्रणयरत्न स्थापित, सर्भिस हेड राजन भट्टराई, आईएमएसका अध्यक्ष तथा प्रमुख कार्यकारी अधिकृत डिकेश मलहोत्रा र आईएमएसका सेल्स हेड कैलाश अइयरको समेत उपस्थिति थियो । सामसङद्वारा नेपालमा खोलिएको यो २१औँ सर्भिस सेन्टर हो ।

निरन्तर रूपमा ग्राहकमुखी सेवा प्रदान गर्ने उद्देश्यका साथ हालसम्म सामसङले काठमाडौं उपत्यकाभित्र ६ र उपत्यकाबाहिर १५ गरी २१ सर्भिस सेन्टर सञ्चालनमा ल्याएको छ ।

बानेश्वरस्थित नयाँ सर्भिस सेन्टरबाट वारेन्टी भएका र नभएका दुवै किसिमका सामसङ मोबाइल फोनहरूको मर्मत सेवा प्रदान गरिने जनाइएको छ ।

सो सर्भिस सेन्टरबाट बानेश्वरसहित कोटेश्वर, चाबहिल, बौद्ध र नजिकको क्षेत्रका ग्राहकले लाभ लिन पाउने सामसङको विश्वास छ ।