site stats
बाह्रखरी :: Baahrakhari
खेल
Global Ime bankGlobal Ime bank
बायर्नले सीईओ ओलिभर कानलाई हटायो

काठमाडौं । बायर्न म्युनिखले शनिबार राति लगातार ११औँ पटक जर्मन बुन्डेसलिगाको उपाधि जितेलगत्तै क्लबका प्रमुख कार्यकारी अधिकृत (सीईओ) ओलिभर कान र बोर्ड सदस्य हसन सालिहामिदजिकलाई पदबाट हटाएको छ । 

शनिबार राति लिगको अन्तिम खेलमा बोरुसिया डर्टमण्डले घरेलु मैदानमा मेइन्जसँग २–२ को बराबरी खेलेपछि बायर्नले उपाधि जितेको हो ।

बायर्नले गएराति कोलनविरुद्ध २–१ को विजय हासिल गरेको थियो । बायर्नले डर्टमण्डलाई गोलअन्तरको आधारमा पछि पारेको हो । दुवै टिमको समान ७१ अंक थियो । 

कानले २०२१ मा कार्ल–हेन्ज रुम्मेनिग्गेको उत्तराधिकारीका रूपमा पदभार सम्हालेका थिए । बायर्नले कानको स्थानमा जान क्रिश्चियन ड्रेसेनलाई सीईओमा नियुक्त गरेको छ । बायर्नले सालिहामिदजिकको स्थानमा भने अहिलेसम्म कसैलाई पनि नियुक्त गरेको छैन । 

“कानसँग अलग्गिनु गाह्रो निर्णय थियो । तर, समग्र विकासको आधारमा हामीले बोर्डमा शीर्ष स्थानको पूर्नसंरचना गर्ने निष्कर्षमा पुग्यौं,” बायर्नले भनेको छ । 

बायर्नले जारी सिजन जर्मन कप र यूईएफए च्याम्पियन्स लिगको अन्तिम–८ बाट बाहिरिएको थियो । यस सिजन बायर्नले मुख्य प्रशिक्षक युलियन नागेल्समनलाई बर्खास्त गरेर थोमस टुचेललाई नियुक्त गरेको थियो । 

प्रकाशित मिति: आइतबार, जेठ १४, २०८०  १२:०८
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro