काठमाडौं । प्रधानमन्त्री पुष्पकमल दाहाल ‘प्रचण्ड’ले गिरिशचन्द लाल आयोगको तत्कालीन प्रतिवेदन सार्वजनिक हुनुपर्छ भन्ने पक्षमा आफू पनि रहेको बताएका छन् ।

प्रतिनिधिसभामा सांसदले सोधेको प्रश्नमा बिहीबार प्रधानमन्त्री प्रचण्डले आफ्नै समयमा लाल आयोग गठन भएको र त्यसको प्रतिवेदन सार्वजनिक हुनुपर्छ भन्ने पक्षमा आफू रहेको बताए । तर, त्यो प्रतिवेदन कसरी सार्वजनिक गर्ने भन्ने विषयमा परामर्श गर्नुपर्ने उनको भनाइ छ ।

“कतिपय आयोगका प्रतिवेदन सार्वजनिक गर्दा त्यसले ल्याउने परिणामका विषयमा पनि आकलन गर्नुपर्ने हुन्छ । यो अन्तर्राष्ट्रिय रूपमा पनि भएको अभ्यास हो,” उनले भने, “लाल आयोगको प्रतिवेदन पनि त्यही कारण सार्वजनिक नभएको हो । त्यसैले यसका लागि थप परामर्श र छलफल आवश्यक छ ।”