काठमाडौं । सत्ता गठबन्धनमा आबद्ध दल नेकपा (एकीकृत समाजवादी)का नेता–कार्यकर्ताले नक्कली भुटानी शरणार्थी प्रकरणविरुद्ध प्रदर्शन गर्ने भएका छन् ।

उक्त प्रकरणविरुद्ध भोलि दिउँसो ३ बजे काठमाडौंको माइतीघरमा प्रदर्शन गर्न लागिएको पार्टीका उपमहासचिव एवं प्रचार विभाग प्रमुख जगन्नाथ खतिवडाले जानकारी दिए ।

सोही विषयमा एकीकृत समाजवादीका नेताले आज उपप्रधान एवं गृहमन्त्री नारायणकाजी श्रेष्ठलाई भेटेर ज्ञापनपत्र बुझाउँदै छन् ।

यस्तै, आजै जिल्ला प्रशासन कार्यालयमार्फत प्रधानमन्त्रीलाई ज्ञापनपत्र  बुझाउने कार्यक्रम तय गरिएको उनले जानकारी दिए ।