काठमाडौं । नक्कली भुटानी शरणार्थी मुद्दामा मुछिएका पूर्वगृहमन्त्री बालकृष्ण खाँणको आज–भोलि नै प्रारम्भिक बयान लिने तयारी भएको छ ।

जिल्ला अदालत काठमाडौंले चार दिन हिरासतमा राखी अनुसन्धान गर्ने अनुमति दिएसँगै खाँणको छिट्टै बयान लिने तयारी गरिएको काठमाडौं जिल्ला सरकारी वकिल कार्यालयले जनाएको छ ।

“अदालतले हिरासतमा राख्न अनुमति दिएको छ, अब आज–भोलि नै बयान लिने प्रक्रिया सुरु हुन्छ,” काठमाडौं जिल्ला सरकारी वकिल कार्यालयका प्रवक्ता अच्युत न्यौपानेले बताए ।

खाँणलाई मंगलबार बिहानै जरुरी पक्राउ पुर्जी जारी गरी पक्राउ गरिएको थियो । जिल्ला अदालतले उनलाई चार दिन हिरासतमा राखेर अनुसन्धान गर्न अनुमति दिएको छ ।