काठमाडौं । नेपाल समाजवादी पार्टीका अध्यक्ष डा. बाबुराम भट्टराईले नक्कली भुटानी शरणार्थी प्रकरणमा ठूला माछा पनि तानिएको भन्दै सरकारको कदमको स्वागत गरेका छन् । 

समाजिक सञ्जाल ट्विटरमार्फत डा. भट्टराईले भ्रष्टाचारको क्यान्सरले राज्यका सबै संयन्त्र गाँजेका बेला भएको छानबिन सकारात्मक भएको बताएका हुन् ।

“भ्रष्टाचारको क्यान्सरले सम्पूर्ण राज्यसंयन्त्र र उच्च नेतृत्वलाई गाँजिरहेको बेला नक्कली भुटानी शरणार्थी प्रकरणमा ठूला माछाहरू समेतलाई छानबिनमा तान्नु स्वागतयोग्य छ,” भट्टराईले लेखेका छन्, “अब कुनै पनि बहानामा यसलाई फासफुस पार्ने काम नहोस ।”

उनले आशंका गरिएका सबै ठूला भ्रष्टाचारका काण्डको निष्पक्ष छानबिन र कारबाही गर्न पनि माग गरेका छन् ।

भ्रष्टाचारको क्यान्सरले सपूर्ण राज्यसंयन्त्र र उच्च नेतृत्वलाई गाॅजीरहेको वेला नक्कली भूटानी शरणार्थी प्रकरणमा ठूला माछाहरूसमेतलाई छानवीनमा तान्नु स्वागतयोग्य छ।अब कुनै पनि वहानामा यसलाई फासफूस पार्ने काम नहोस्! साथै आशंका गरिएका सबै ठूला भ्रष्टाचारकाण्डको निष्पक्ष छानवीन र…

— Baburam Bhattarai (@brb1954) May 10, 2023