site stats
राजनीति
प्रतिनिधिसभा समानुपातिक : एमाले र कांग्रेसले कटाए ६ लाख मत, नेकपा (एस) १० औं नम्बरमा (कसको मत कति ?)
NMB Bank
Agani Group
Global bank

काठमाडौं । आइतबार सम्पन्न भएको प्रदेश र प्रतिनिधिसभा निर्वाचनको मतगणना जारी छ । प्रत्यक्षतर्फ निर्वाचन नतिजा आइरहँदा समानुपातिकतर्फको मतगणना पनि जारी छ ।
 
समानुपातिक निर्वाचन प्रणालीतर्फ हालसम्मको मतपरिणाम अनुसार नेकपा (एमाले) पहिलो नम्बरमा छ । निर्वाचन आयोगले उपलव्ध गराएको तथ्यांकअनुसार यो समाचार साँझ ५ बजेर ३५ मिनेट जाँदासम्म नेकपा (एमाले) पहिलो नम्बरमा छ । एमालेले ६ लाख ४२ हजार २५६ मत पाएको छ ।
 
समानुपातिकतर्फ कांग्रेस दोस्रो नम्बरमा छ । कांग्रेसले ६ लाख ४ हजार ६८९ मत पाएको छ । तेस्रो स्थानमा रहेको राष्ट्रिय स्वतन्त्र पार्टीले ३ लाख २१ हजार ९६० मत पाएको छ । यस्तै चौथो स्थानमा रहेको नेकपा (माओवादी केन्द्र)ले २ लाख ८९ हजार ४७ मत प्राप्त गरेको छ ।
 
आयोगको तथ्यांक अनुसार पाँचौं स्थानमा राष्ट्रिय प्रजातन्त्र पार्टी राप्रपा रहेको छ । उसले १ लाख १ लाख ७३ हजार ९०१ मत प्राप्त गरेको छ । यस्तै ७७ हजार १ मतका साथ जनता समाजवादी पार्टी छैटौँ स्थानमा छ । सातौँ स्थानमा रहेको नेपाल मजदुर किसान पार्टीको ५१ हजार ८४९, आठौँ स्थानमा जनमत पार्टीको ५० हजार ९२२ र नवौँ स्थानमा ४९ हजार ५२९ मत पाएको छ । 

समानुपातिकतर्फ माधवकुमार नेपाल नेतृत्वको नेपाल कम्युनिष्ट पार्टी (एकीकृत समाजवादी)ले ४२ हजार ४३१ मत पाएको छ । यस्तै ११ औं नम्बरमा ३४ हजार ०४ मतका साथ लोकतान्त्रिक समाजवादी पार्टी रहेको छ । २४ हजार २० मत हाम्रो नेपाली पार्टीले पाउँदा १७ हजार ६२५ र ११ हजार ६४६ मत मंगोल नेशनल अर्गनाइजेशनले पाएको छ । 

प्रकाशित मिति: बिहीबार, मंसिर ८, २०७९  १७:५३
प्रतिक्रिया दिनुहोस्
सम्पादकीय