देश
![दार्चुलामा हवाई फायर, मतदान स्थगित](https://12khari.top/uploads/posts/Fire Goli1663598137.jpg)
काठमाडौं । दार्चुलाको शैल्यशिखर नगरपालिका ५ मालिकार्जुनमा हवाई फायर भएको छ ।
मालिकार्जुन मावि ग्वानी बगौरा मतदान केन्द्रमा मत हाल्न गएका मतदाताको नाममा अरुले नै भोट हालेको पाइएपछिको विवाद बढ्दा हवाई फायर भएको हो । हवाई फायरपछि मतदान रोकेर पुनः मतदान सञ्चालनका लागि पहल भइरहेको छ ।
मत हाल्न पुगेका मतदाताको मत अरुले हालेको थाहा पाएपछि सुरु भएको विवादमा प्रहरीको लाठी चलाउँदा परिस्थिति बिग्रिएको थियो ।
महिलाको टाउकोमा प्रहरीको लाठी लागेपछि स्थानीयले आक्रोशित हुँदै ढुंगामुढा गरेपछि प्रहरीले हवाई फायर खोलेका थियो ।
अहिले परिस्थिति नियन्त्रणमा आएको र मतदान सञ्चालनको प्रयास भइरहेको प्रहरीले जनाएको छ ।
प्रकाशित मिति: आइतबार, मंसिर ४, २०७९ १४:३४
प्रतिक्रिया दिनुहोस्