site stats
बाह्रखरी :: Baahrakhari
राजनीति
Global Ime bankGlobal Ime bank
Nabil Bank Banner adNabil Bank Banner ad
‘र्‍यापिड टेस्ट रोकेर पीसीआरको दायरा बढाऔं’ 

काठमाडौं । कोरोना भाइरसको संक्रमण पत्ता लगाउन अपनाइने र्‍यापिड डाइग्‍नोस्टि टेस्ट (आरडीटी) किटको विश्वसनीयतामा विश्वव्यापी रुपमा प्रश्न उठिरहेका बेला प्रमुख प्रतिपक्षी नेपाली कांग्रेसले उक्त विवादास्पद विधिको प्रयोगमा रोक लगाउन माग गरेको छ ।

 पार्टी कार्यालय सानेपामा आइतबार पार्टीका पूर्वस्वास्थ्यमन्त्री र चिकित्सकहरूसँगको छलफलपछि कांग्रेसले समुदायस्तरसम्म परीक्षणको दायरा बढाउनुपर्ने निष्कर्ष निकाल्दै यस्तो बताएको हो । 

छलफलपछि पार्टी प्रवक्ता विश्वप्रकाश शर्माले लकडाउनको समुचित उपयोग गर्न सरकार चुकेकोले आरडीटी परीक्षणको दायरा बढाउनुपर्ने निष्कर्ष छलफलले निकालेको बताए । चिकित्सकहरूका लागि आवश्यक अति आवश्यक स्वास्थ्य सामग्रीहरू पर्याप्त उपलब्ध गराउनुपर्ने, चिकित्सकहरूलाई हतोत्साहित गर्नुको साटो साथ दिनुपर्ने प्रवक्ता शर्माको भनाइ छ । 

कांग्रेसले अस्पतालको क्षमता बढाउनुपर्ने, उपकरण औषधि र दक्ष जनशक्तिको व्यवस्थापन गर्नुपर्ने र विश्व स्वास्थ्य संगठनको मापदण्डअनुसार क्वारेन्टाइन व्यवस्थित गर्नुपर्ने सुझाव पनि सरकारलाई दिएको छ । कोरोनाले मात्रै बिरामीको मृत्य नहुने भएकाले अन्य रोगका बिरामीको स्वास्थ्य उपचारतर्फ पनि ध्यान दिनुपर्ने उनले बताए ।

छलफलमा सहभागी चिकित्सक डा. केदारनरसिंह केसीले कोरोना नियन्त्रणमा सरकार पूर्ण रूपमा असफल भएको बताए । कोरोना रोकथामका लागि सरकारले गरेका प्रयासहरू पर्याप्त नभएको, घोषणा गरेअनुसार जनताले राहत पाउन नसकेकोले सरकार पूर्ण रुपमा असफल भएको निष्कर्ष छलफलले निकालेको उनले बताए ।

कोरोनाको जोखिम सामना गर्ने क्रममा भएका प्रगति, कमजोरी, सरकारले गरेका काम र गर्न नसकेका कामका विषयमा छलफल गर्न पार्टी पदाधिकारी, पूर्वस्वास्थ्यमन्त्री र स्वास्थ्य क्षेत्रका विज्ञहरूसँग छलफल गरिएको हो । 

 

NIBLNIBL
प्रकाशित मिति: आइतबार, वैशाख १४, २०७७  २०:०२
worldlinkworldlink
प्रतिक्रिया दिनुहोस्
national life insurance newnational life insurance new
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro