काठमाडौं । इन्डोनेसियाको राजधानी जकार्ताका गभर्नर बसुकी चहाया पुरनामालाई ईश्वर निन्दाको आरोपमा छानबिन भइरहेको बीबीसीले जनाएको छ ।

उनलाई चुनाव प्रचारको क्रममा इस्लाम धर्मको धार्मिक ग्रन्थ कुरानको अपमान गरेको आरोप लागाइएको छ ।

पुरनामा चिनियाँ मूलका अल्पसंख्यक क्रिश्चियन समुदायका व्यक्ति हुन् । उनी जकार्ताका पहिलो गैरमुस्लिम गभर्नर भएको बताइएको छ ।

यो विषयलाई लिएर मुस्लिम बाहुल्य इन्डोनेसियमा द्वन्द्व बढ्ने आशंका गरिएकोे बताइएको छ । गत सेप्टेम्बर महिनामा पुरनामाले एक इस्लामिक समूहले कुरानमा भएकोे एक कविता उच्चारण गरेर उनलाई भोट हाल्न मतदातालाई  निरुत्साहित गरेको आरोप लगाएका थिए ।