काठमाडौं । नेपाल क्लियरिङ्ग हाउस लिमिटेड (एनसीएचएल) आइसीटी अवार्ड २०२१ बाट सम्मानित भएको छ । आइसीटी अवार्ड अन्तर्गत कम्पनीले डिजिटल सेवातर्फ अवार्ड प्राप्त गरेको हो ।

भुक्तानी पूर्वाधारहरू निर्माण गरी साझेदारी र सहकार्यको अवधारणामा एनसीएचएलले विद्युतीय चेक क्लियरिङ्ग, अन्तर बैंक विद्युतीय भुक्तानी, कनेक्टआइपीएस इ पेमेन्ट, एनपीआई, कर्पोरेट पेलगायत राष्ट्रिय भुक्तानी प्राणालीहरू सञ्चालन गर्दै आएको छ ।

एनसीएचएलले आर्थिक वर्ष २०७७/७८ मा १३० खर्ब बराबरको विद्युतीय कारोबार फर्छ्यौट गरेको थियो भने यस आर्थिक वर्षको मंसिर मसान्तसम्म ६५ खर्बभन्दा बढीको कारोबार फर्छ्यौट गरेको कम्पनीले जनाएको छ ।