बाह्रखरी
भर्खरै
Ncell inner sticky
प्रवास प्रतिक्रिया दिनुहोस्
Jagadamba Group
Jagadamba Group
अमेरिकामा गोली प्रहारबाट एक नेपालीको मृत्यु, एकजना घाइते 
KNP nepal
KNP nepal
बाह्रखरी - आइतबार, वैशाख २६, २०७८
Laxmi Bank
Laxmi Bank

बष्टन (अमेरिका) । अमेरिकाको मेरील्याण्ड राज्यमा गोलीप्रहार र आगजनीमा परि एक नेपालीको मृत्यु भएको छ । 

मृत्यु भएका नेपाली संखुवासभा खाँदबारी ६ तल्लो पांगाका सागर घिमिरे भएको पुष्टि भएको छ । 

घिमिरेले केही समय अघिमात्र साउथ क्यारोलाइनास्थित क्लाफ्लिन युनिभर्सिटीबाट कम्प्युटर साइन्समा स्नातक गरेको उनका सहोदर काका कप्तान घिमिरेले बाह्रखरीलाई बताए । 

Duber nepal

Agani Group

शनिबार बिहान बाल्टिमोर काउण्टीको उडलनमा भएको उक्त आगजनी तथा गोली प्रहारमा घिमिरेसहित ४ जनाको ज्यान गएको स्थानीय अधिकारीहरुलाई उदृत गर्दै एनबीसी न्युजले जनाएको छ । ५१ वर्षीय एक व्यक्तिले घरमा आगो लगाएपछि घरबाहिर सटगन लिएर बसेको र घटनास्थलमा प्रहरी आउनासाथ प्रहरीको गोलीबाट ती व्यक्तिको मृत्यु भएको बताइएको छ । 

घटनामा अर्का एक नेपाली युवा पनि घाइते भएको र उनको अवश्था खतरामुक्त भएको बाल्टिमोर एशोसियसन अफ नेपलिज अमेरिकाका पूर्वमहासचिव तथा पत्रकार गौतम दाहालले बताए । 

सागर ४ वर्ष अगाडि उच्च शिक्षा अध्ययनका लागि अमेरिका आएका थिए । उनी विक्रम घिमिरे र दुर्गा घिमिरे (स्वर्गीय)का कान्छा छोरा हुन् । मृतक घिमिरेका एक दाजु र एक दिदी रहेका छन् । 

“राम्रो अंकका साथ ब्याचलर्स गरेको थियो,” उनका काका कप्तानले भने, “पढाइमा तेज भएकोले उसले स्कलरसिप पनि पाएको थियो ।” 

कप्तान दुखद खबर सुनेपछि अन्तिम सँस्कारका लागि क्यालिफोर्नियाको ओकडेलबाट बाल्टिमोर जाँदैछन् ।

तस्बिर : घिमिरेको लिंकडइन प्रोफाइलबाट
 

Nepal Investment bank
Nepal Investment bank
आइतबार, वैशाख २६, २०७८ मा प्रकाशित
TATA Landing
TATA Landing
प्रतिक्रिया दिनुहोस्