काठमाडौं । नेकपा एमालेका नेता माधवकुमार नेपालले सांसद पद जाने प्रधानमन्त्री केपी शर्मा ओलीको धम्कीबाट नतर्सिने बताएका छन ।
आज वाग्मती प्रदेशमा समानान्तर कमिटी घोषणा कार्यक्रममा उनले सांसद पद ओलीले संसद् विघटन गर्दा नै गएको र सर्वोच्च अदालतको फैसलाले फर्किएको बताए ।
“घनश्याम भुसाल र सुरेन्द्र पाण्डेलाई पत्रमा लेखिएको छ, तपाईंहरु प्रतिनिधिसभाको सदस्य हुनुहुन्छ, हाललाई हटाएको छैन । वाहा ! डरले थरथर काप्छन् कि । घुँडा टेक्छन् कि,” उनले भने, “समर्पण गर्छन् कि ! मेरो पद जोगाइदेऊ भनेर लेखेको होला । त्यो पद त उहिल्यै गइसकेको थियो । नाथे त्यो पद । उहिले भंग गरेको होइन, प्रतिनिधि सभा ?
उनले छिट्टै मध्यावधि चुनाव हुने सुनेको भन्दै ओलीले के–के गर्छन् हेर्न बाँकी रहेको बताए ।