गोंगबु हत्याकान्ड : हत्या आरोपमा चितवनबाट एक महिला नियन्त्रणमा

देश

गोंगबु हत्याकान्ड : हत्या आरोपमा चितवनबाट एक महिला नियन्त्रणमा

बाह्रखरी सोमबार, साउन २६, २०७७

गोंगबु हत्याकान्ड : हत्या आरोपमा चितवनबाट एक महिला नियन्त्रणमा

काठमाडौँ । काठमाडौँको गोंगबुस्थित गणेशस्थानमा कृष्णबहादुर बोहोराको हत्यापछि फालेको आरोपमा अनुसन्धानका लागि एक महिलालाई प्रहरीले नियन्त्रणमा लिएको छ । चितवनबाट ती महिलालाई नियन्त्रणमा लिइएको प्रहरीका एक उच्च अधिकारीले बताए । आइतबार बिहान बोहराको शरीरको भाग सुटकेशमा तथा टाउको र खुट्टा झोलामा फेला परेको थियो ।

हत्या गरिएका बोहोरा नयाँ बजारस्थित एक गार्मेन्टमा काम गर्दै आएको खुलेको छ । उनको हत्याको कारण अहिल्यै खुलिनसकेको प्रहरीले जनाएको छ ।

प्रहरी स्रोतका अनुसार नियन्त्रणमा लिइएकी महिला गोंगबुमा भाडामा बस्दै आएकी थिइन् । घटनाअघि मृतक बोहोराको ती महिलाको सम्पर्कमा रहँदै आएको खुलेको छ । बोहोरा भने एउटा होटलको कोठा भाडामा बस्दै आएको खुलेको छ । प्रहरीले आधिकारिक रुपमा भने घटनाबारे बोल्न मानेको छैन ।