काठमाडौं । भारतमा कोरोना भाइरसका संक्रमितको संख्या बढ्दै गएको छ । 

केन्द्रीय स्वास्थ्य मन्त्रालयले कोरोना भाइरस संक्रमित बिरामीको नयाँ तथ्यांक जारी गरेको छ । तथ्यांकअनुसार भारतमा कुल संक्रमित बिरामीको संख्या ३३ सय ७४ पुगेको छ । 

कोरोना भाइरसको संक्रमणबाट मृत्यु हुनेको संख्या ७७ पुगेको स्वास्थ्य मन्त्रालयलाई उद्धृत गर्दै बीबीसीले जनाएको छ । भारतमा अहिलेसम्म दुई सय ६६ संक्रमित उपचारपछि निको भएका छन् । –बीबीसी