भूमि विधेयक घरजग्गा व्यवसायीलाई महत्त्व दिनेगरी आयो : राजेन्द्र पाण्डे

राजनीति

भूमि विधेयक घरजग्गा व्यवसायीलाई महत्त्व दिनेगरी आयो : राजेन्द्र पाण्डे

मंगलबार, जेठ ६, २०८२

भूमि विधेयक घरजग्गा व्यवसायीलाई महत्त्व दिनेगरी आयो : राजेन्द्र पाण्डे

काठमाडौं । नेकपा (एकीकृत समाजवादी)का वरिष्ठ उपाध्यक्ष राजेन्द्रप्रसाद पाण्डेले दुईतिहाइको सरकारले क्रान्तिकारी भूमिसुधारको कार्यक्रम ल्याउनसक्ने भए पनि त्यसो हुन नसकेको बताएका छन् ।

मंगलबार प्रतिनिधिसभामा भूमिसम्बन्धी केही नेपाल ऐनलाई संशोधन गर्ने विधेयक, २०८२ माथिको छलफलमा भाग लिँदै उनले भूमि विधेयक सुकुम्वासी, भूमिहिन र अव्यवस्थित बसोवासीको मायाले नभई अपार्टमेन्ट बनाउनेहरूको मायाले आएको आरोप लगाएका हुन् ।

उनले व्यवस्था परिवर्तनको ३४ वर्ष हुँदा पनि भूमिसुधारका बारेमा जति कुरा गरे पनि कार्यान्वयनमा ल्याउन नसकेको उल्लेख गरे । विधेयक घरजग्गा व्यवसायलाई महत्त्व दिनेगरी आएको भन्दै उनले गिरिबन्धु टी–स्टेट, गोकर्ण सफारी पार्कका समस्या समाधानमा अनुकूल हुनेगरी ल्याइएको आरोप समेत लगाए ।