काठमाडौं । काठमाडौं उपत्यका अपराध अनुसन्धान कार्यालय टेकुले ६१ लाख रुपैयाँ ठगी गरी फरार रहेका दुईजनालाई पक्राउ गरेको छ । 

काभ्रेको बनेपा घर भई हाल भक्तपुर बस्ने २० वर्षीय विशाल घिमिरे र रौतहट घर भई हाल सुन्धारा बस्ने १८ वर्षीय प्रिन्स कुमार ठगीको आरोपमा पक्राउ परेका हुन् । 

विद्यार्थी भिसामा अमेरिका जान एक दिनका निम्ति बैंक ब्यालेन्स देखाउन भन्दै रकम माग गरी फरार भएको भनी परेको जाहेरीका आधारमा प्रहरीले उनीहरूलाई पक्राउ गरेको हो ।  

बिहीबार काठमाडौंको सुन्धाराबाट पक्राउ परेका उनीहरूलाई ठगीसम्बन्धी कसुरमा थप अनुसन्धान तथा आवश्यक कारबाहीकोा लागि जिल्ला प्रहरी परिसर काठमाडौं पठाइएको छ ।