काठमाडौं । नेकपा (माओवादी केन्द्र)का उपमहासचिव वर्षमान पुनले शिक्षा विधेयक छिट्टै सदनमा ल्याउन माग गरेका छन् ।

शुक्रबार बसेको प्रतिनिधिसभाको बैठकमा उनले शिक्षा समितिको उपसमितिमा धेरै कुरा टुंगिसकेको आफूले जानकारी पाएको सुनाए । 

उनले विधेयक फास्ट ट्रयाकबाट पारित गर्न पार्टीले सहयोग गर्ने समेत बताए । “यो विधेयक छिट्टै सदनमा आओस् । फास्ट ट्रयाकबाट यसलाई पास गराउन म माग गर्न चाहन्छु । यसका लागि सहयोग गर्न दल तयार रहेको जानकारी गराउँछु,” उनले भने ।