काठमाडौं । व्यवसायी ज्ञानेन्द्रलाल प्रधानले लगानी विविधिकरण गरेर पहिलोपटक होटेल क्षेत्रमा प्रवेश गरेका छन् । 

जलविद्युत् र सेयर बजारमा लगानी केन्द्रित गरिरहेका व्यवसायी प्रधानले पहिलोपटक काभ्रेको बनेपास्थित नागी डाँडामा १० अर्ब रुपैयाँ लगानीमा पाँचतारेस्तरको अरुण्य नेचर रिसोर्ट निर्माण गरिरहेका छन् । 

उनको ‘ड्रिम प्रोजेक्ट’ अरुण्य रिसोर्टको पहिलो चरणमा पूर्वाधार निर्माणको काम भइरहेको छ । आउँदो दसैँको अवसर पारेर पहिलो चरणमा बनेको रिसोर्टको ‘सफ्ट लञ्च’ गर्ने उनले बताए । रिसोर्ट पूर्वाधार प्रत्येक दुई/दुई वर्षमा बढाउँदै गएर पाँच चरणमा निर्माण सम्पन्न गर्ने लक्ष्य लिएको उनले जानकारी दिए ।  

प्रधानका अनुसार अहिलेसम्म रिसोर्ट निर्माणमा २५ प्रतिशत भौतिक प्रगति भएको छ । रिसोर्टको सबै परियोजना सम्पन्न गर्न १० वर्ष लाग्ने उनले बताए । चरणवद्ध रूपमा जाँदा रिसोर्टले कमाएको रकम विस्तारमा लगानी गर्ने योजना प्रधानको छ । रिसोर्ट बनाउन अहिलेसम्म २२५ रोपनी जग्गा खरिद गरिएको उनले सुनाए । 

अरुण्य रिसोर्टको व्यवस्थापन तथा सञ्चालनको जिम्मा माल्दिभ्सको एट्मस्फियर रिसोर्ट एन्ड होटेलले पाएको छ । एट्मस्फियर कोरले रिसोर्टको व्यवस्थापन गर्ने सम्झौता भएको छ । अरुण्य लस्ट होराइजन जंगल रिसोर्ट लिमिटेडसँगको साझेदारीमा विकास भइरहेको छ । 

यसले दक्षिण एसियाको सबैभन्दा आश्चर्यले भरिएको परिदृश्यहरूमध्ये एकमा एटमोस्फियर होटल्स एन्ड रिसोर्ट ब्रान्डकोले अरुण्यलाई अझ जीवन्त बनाउने प्रधाको विश्वास छ । 

समुद्री सतहबाट ५ हजार फिटको उचाइमा रहने रिसोर्टबाट विश्वकै अग्लो शिखर सगरमाथा पनि देख्न सकिनेछ । 

एट्मस्फियर कोरले नेपालमा आफ्नो पहिलो रिसोर्ट, एट्मस्फियर बाई एट्मस्फियर, काठमाडौं बाहिर बनेपाको शान्त उपत्यकामा अवस्थित, अरुण्य प्रकृति रिसोर्टको सम्झौतामा हस्ताक्षर गर्दै आफ्नो अन्तर्राष्ट्रिय विस्तारलाई निरन्तरता दिइरहेको छ ।

अरुण्य नेचर रिसोर्टमा एट्मस्फियर कोरको पुरस्कार विजेता वेलनेस ब्रान्ड, ईएली एनएद्वारा वेलनेस सेन्चुअरीको घर पनि हुनेछ । 

आराम र नवीकरणको लागि शान्तिमय रिट्रीटको रूपमा डिजाइन गरिएको, यसले समय सम्मानित उपचार र आधुनिक वेलनेसको मिश्रण प्रदान गर्नेछ जहाँ स्थिरता र मौनतालाई अँगाल्ने बताइएको छ । 

“पाहुनाहरूका लागि मनोरञ्जनात्मक प्रकृति पदयात्रा हुनेछ । रिसोर्टमा स्विमिङ पूल र बच्चाहरूको क्लबले एकान्त खोज्नेहरूदेखि परिवार र समूहहरूसम्म हरेक प्रकारका पाहुनाका लागि उच्चस्तरीय सेवा प्रदान गरिनेछ,” अरुण्यले भनेको छ ।