काठमाडौं । नेपाल बार एसोसिएसनको निर्वाचनअन्तर्गत मतगणना जारी छ । अध्यक्षका उमेदवार प्रा.डा. विजयकुमार मिश्रले मतान्तर बढाउँदै दोब्बर बनाएका छन् । मंगलबार राति ९ः२० बजेसम्मको गणनाअनुसार, मिश्रले दुई हजार ८८२ मत ल्याउँदा अध्यक्षका अर्का उमेदवार रमनकुमार श्रेष्ठले एक हजार ४२५ मत पाएका छन् ।

अध्यक्षका अरु उमेदवारहरू राजु कैतीको ३६, उज्वल घिमिरेको १२ र आशिष पौडेलको २६ मत छ ।

उपाध्यक्षतर्फ कोसी प्रदेशमा पदमप्रसाद लिम्बूले तीन हजार ५६ मत ल्याउँदा प्रत्यासी कर्णबहादुर राईले एक हजार ११२ मत पाएका छन् ।

मधेस प्रदेश उपाध्यक्षमा अजयशंकर झाले तीन हजार ५२ मत ल्याउँदा प्रत्यासी प्रमोद प्रसादले एक हजार ९७ मत पाएका छन् । वाग्मती प्रदेश उपाध्यक्षमा तेजबहादुर रावलले दुई हजार ९७२ मत ल्याउँदा प्रत्यासी डकेन्द्रप्रसाद सुवेदीले एक हजार २२९ मत पाएका छन् ।

गण्डकी प्रदेश उपाध्यक्षमा भूपेन्द्र खनालले दुई हजार ८८८ मत ल्याउँदा सुकेदेव गौतमले एक हजार २७८ मत पाएका छन् ।

यस्तै, लुम्बिनी प्रदेश उपाध्यक्ष उमेदवार कृष्णप्रसाद पोख्रेलले तीन हजार १२ मत ल्याउँदा प्रत्यासी तीर्थराज ज्ञवालीले एक हजार १४१ मत पाएका छन् । कर्णाली प्रदेश उपाध्यक्षमा विवसकुमार बस्नेतले तीन हजार ३ मत ल्याउँदा धर्मराज न्यौपानेले एक हजार १३३ मत पाएका छन् ।

सुदूरपश्चिम उपाध्यक्षमा सिद्धराज ओझाले तीन हजार १७ मत पाउँदा पदमराज शर्माले एक हजार ११२ मत ल्याएका छन् ।

महिला उपाध्यक्षमा सरस्वती श्रेष्ठले दुई हजार ७४६ मत ल्याउँदा दिना श्रेष्ठले एक हजार ४०८ मत पाएकी छन् ।

महासचिवका उमेदवार केदारप्रसाद कोइरालाले दुई हजार ८६० मत ल्याउँदा महासचिवका प्रतिस्पर्धी यज्ञमणि न्यौपानेले एक हजार २३८ मत पाएका छन् । अर्का उमेदवार हरिशरण कार्कीले १०० मत पाएका छन् ।

कोषाध्यक्ष उमेदवार जगतबहादुर कार्कीले दुई हजार ९८९ मत पाएका छन् । प्रत्यासी दिपक राईले ९९९ मत ल्याएका छन् । कोषाध्यक्षका अर्का उमेदवार विष्णुप्रसाद सापकोटाले १६२ मत पाएका छन् ।