काठमाडौं । राष्ट्रिय स्वतन्त्र पार्टीका उपाध्यक्ष एवं सांसद डा. स्वर्णिम वाग्लेले उच्च अदालतले रविलाई पक्राउ गर्न पहिले नै तानाबाना बुनेको आरोप लगाएका छन् । शनिबार चितवनमा आयोजित पार्टीको ‘जनयात्रा कार्यक्रम’लाई सम्बोधन गर्दै वाग्लेले यस्ते आरोप लगाएका हुन् । 

उच्च अदालतको फैसलामा ७–८ पानाको फैसलामा क्यानडा, हिन्दुस्तानलगायत देशको उदाहरण प्रस्तुत भएको भन्दै उनले भने, “कस्ता ट्यालेन्टेड न्यायमूर्ति आएछन् भन्ने लाग्यो । त्यो बहस सकिएको दिन लेख्न सक्ने फैसला नै थिएन । त्यो तानाबाना पहिले नै बुनिएको रहेछ ।”

चितवनको कार्यक्रममा कुनै हालतमा सहभागी हुन नदिन सहभागी हुन नदिन लामो समयदेखि प्रपञ्च बुनिएको उनको जिकिर थियो । रविले उक्त कार्यक्रममा नयाँ कुरा राख्ने उद्घोष गरेकाले डराएर शुक्रबारै उनलाई पक्राउ गरिएको उनले बताए । 

“७ बजेतिर फैसला आउने, दुनियाँको ठुलो अपराधीलाई पक्राउन गर्न लागेको जस्तो गरेर, आकाश नै खस्ला जस्तो गरेर धरपकड गरियो, यो असाध्यै निन्दनीय छ,” उनले भने ।