काठमाडौं । नेपालका लागि दिपल ईभीको आधिकारिक विक्रेता एमएडब्लू वृद्धि अटोकर्पले आकर्षक न्यूनतम डाउन पेमेन्ट स्किम घोषणा गरेको छ । ‘एसिलेरेट इन्टु द फ्युचर’ नाम दिइएको यो स्किमले स्टाइलिस र टेक्नोलोजिकल्ली एड्भान्स्ड दिपल ईभी खरिद गर्ने प्रक्रियालाई निकै सहज बनाउने बताइएको छ ।

यो स्किमअन्तर्गत अब दिपलका ईभीहरू २० प्रतिशत डाउनपेमेन्टमा खरिद गर्न सकिने बताइएको छ । दिपलको प्रिमियम ईभीहरू एल०७ लाई मात्र १३ लाख ९९ हजार रुपैयाँ, एस०७ १४ लाख ९९ हजार रुपैयाँ र एस०७एल मात्र १६ लाख ९९ हजार रुपैयाँ डाउनपेमेन्टमा पाइने बताइएको छ ।

ग्राहकले फ्लटिंग बेसिसमा ८.९९ प्रतिशत ब्याजदरमा सात वर्षको सवारी कर्जाको उपभोग गर्न सक्नेछन् । ग्राहकले फ्युचरिक दिपललाई आफ्नो बनाउन फाइनान्सिङ पार्टनर एमएडब्लू हायर एन्ड पर्चेजमार्फत मात्र दुई दिनमा सवारीकर्जा पास गर्ने व्यवस्था गरिएको छ । यो स्किम काठमाडौं नक्सालस्थित मुख्य सोरुमलगायत देशभरका डिलरमा समेत लागु हुने बताइएको छ ।

यो स्किमलाई अझै आकर्षक बनाउन एमएडब्लू वृद्धिले ग्राहकलाई ७ किलोवाट र ३ किलोवाटको चार्जर, अटो प्लस इन्स्योरेन्स, रोड ट्याक्स र अन्य एसेसोरिज गरी दुई लाख रुपैयाँसम्मको थप सुविधाको पनि व्यवस्था गरेको छ । यो अफर चैत्र ८ गतेदेखि १५ दिनका लागि लागु हुने बताइएको छ ।